ہندوستانیہ: Surah Ar-Rahman Translation in Urdu Poetry

سورۂ رحمٰن کا منظوم اردو ترجمہ

تیرے آزاد بندوں کی نہ یہ دنیا نہ وہ دنیا
یہاں مرنے کی پابندی وہاں جینے کی پابندی_اقبؔال

حضرتِ انساں کی فطرت، فطرت سے کس قدر متصادم ہے۔ تصور کیجیے! اگر کسی کو آزاد رہنے کا پابند کر دیا جائے تو اسے آزادی بھی زہر ہلاہل معلوم ہوگی۔ یہی باعث ہے کہ’مکیں ادھر کے بھی جلوے ادھر کے دیکھتے ہیں‘_فرؔاز

پڑھیے! غزل ’وقت ظہور عشق بھی بعثت سے کم نہیں‘ https://abirti.blogspot.com/2020/03/blog-post.html?m=1

بڑا ممنون کرم ہوں کہ آپ نے اپنے اپنے اسکرین پر ’ہندوستانیہ‘ https://abirti.blogspot.com/ بلاگ کو باریابی کا شرف بخشا۔ شب برأت گزری۔ اس دوران کئی چہرے جگنو تو کئی درخشندہ ستاروں کے مانند مطلع دل و دماغ پر رونما ہوتے رہے۔ دل بے چین رہا کہ اب سے پہلے تو ’یہ حال کبھی بحال‘ نہ ہوا...رسمِ دنیاداری ہے! میں نے بھی واٹس ایپ اسٹیٹس لگا کر جان چھڑا لی کہ آپ مجھے معاف فرما دیں۔ شب برأت کے دوران سورۂ رحمٰن کی تلاوت سے مشرف ہوا۔ اسی دوران یہ خیال آیا کہ سورۂ رحمٰن کا منظوم اردو ترجمہ پیش کروں جسےجوؔش ملیح آبادی نے لکھا ہے۔ مشکل یہ ہے کہ جوؔش صاحب کمیونسٹ ’اشتراکیت کے عملبردار‘ تھے۔ وہ اردو کے’سب سے شعلہ مزاج ترقی پسند شاعر، شاعرِ انقلاب کے طور پر معروف‘ تھے۔

پڑھیے نظم ’میگی کورونا‘ https://abirti.blogspot.com/2020/03/nazm-maggi-corona.html

جوؔش صاحب کا مختصر تعارف یہ ہے کہ وہ 5 دسمبر 1898ء کو اترپردیش کے مردم خیز علاقے ملیح آباد کے ایک علمی اور متمول گھرانے میں پیدا ہوئے۔ تقسیم ہند کے چند برسوں بعد وہ ہجرت کر گئے۔

جتنے گدا نواز تھے کب کے گزر چکے

اب کیوں بچھائے بیٹھے ہیں ہم بوریا نہ پوچھ_جوؔش

پڑھیے! دہلی فسادات پر نظم ’بے حسی‘https://abirti.blogspot.com/2020/03/nazm-behisi-apathy.html?m=1

جوؔش صاحب مروت میں ایک ملازمت کے لیے کئی لوگوں کی سفارش کردیتے تھے ایک دفعہ ایک شخص کے ہمراہ سفارش کے لیے گئے افسر نے کہا اس کے لیے تو آپ نے کسی اور کی سفارش کی ہے فرمایا کہ اس مردود کو رکھ لیجئے کیونکہ مجھے ساتھ لایا ہے۔

نایاب کلام، سورۂ رحمٰن کا منظوم ترجمہ_جوؔش ملیح آبادی

اے فنا انجام انسان کب تجھے ہوش آئے گا

تیر گی میں ٹھوکریں آخر کہاں تک کھائے گا

اس تمرد کی روش سے بھی کبھی شرمائے گا

کیا کرے گا سامنے سے جب حجاب اٹھ جائے گا